Хоёр. Элсэгчдэд тавих шаардлага ба шалгалт
• Элсэгч бүрэн дундаас доошгүй боловсрол эзэмшсэн байна.
• ЭМШУИС-д ямар мэргэжлийн чиглэлээр элсэхэд ямар хичээлийн ерөнхий шалгалт /ЕШ/ өгөхыг хүснэгт 1-д заав

ЭМШУИС-д оюутан элсүүлэх мэргэжилүүд ба эхний шатанд авах шалгалт

Д/д Элсүүлэх мэргэжил Өгөх ерөнхий шалгалт
1 Анагаах, Уламжлалт анагаах, Нүүр ам судлал, Эм зүй, Нийгмийн эрүүл мэнд судлал Хими Биологи
2 Анагаах ухааны биологи Биологи Математик
3 Эрүүл мэндийн мэдээлэл зүй Математик Физик
4 Нийгмийн ажил /эрүүл мэнд/ Нийгмийн тухай мэдлэг Биологи

• Ерөнхий шалгалт өгөх хичээл бүрт авбал зохих онооны 70 хувь ба түүнээс дээш
оноо авбал ЭМШУИС-д элсэх болзол хангасан гэж үзнэ
• Тус сургуулийн Байгалийн ухааны лицей сургууль төгсч буй сурлагын дүнгийн
жагсаалтаар эхний 15 байранд шалгарсан, Ерөнхий шалгалтын хичээл бүрт 70%-аас дээш
оноо авсан сурагчдыг 2 дахь шатны шалгаруулалтаас чөлөөлж шууд элсүүлэхээс өөр элсэгчдэд элсэлтийн шалгалтын ямар нэгэн хөнгөлөлт үзүүлэхгүй.
• Нэг бүлгээс нөгөөд шилжүүлэн элсүүлэхгүй
• Урьд нь дээд боловсрол эзэмшсэн хүмүүс элсэлтийн шалгалтаар элсэж орох ба
суралцах хугацаанд нь өмнөх сургалтын хөтөлбөрийн үзсэн суурь хичээлүүдийг
дүйцүүлэн тооцно
• Гадаадын иргэдийн элсэх асуудлыг тусад нь шийдвэрлэнэ
• Элсэлтийн шалгалтуудыг дахин авахгүй
• Эмч дутагдалтай, алслагдсан тухайн сумдыг боловсон хүчнээр хангах зорилгоор
сумын захиалга, гэрээгээр суралцуулах ажлыг аймаг, хотын Засаг даргын тамгын
газар хариуцан, зохион байгуулах ба ийм зориулалттай хуваарийн захиалгыг Эрүүл
мэндийн яамаар уламжлан БСШУЯ-нд өгч тухайн аймаг, хотын элсэлтийн төлөвлөгөөнд
тусгайлан тусгуулж ерөнхий шалгалт өгөөд тэнцсэн хүмүүсээс тухайн аймаг хотын
засаг даргын тамгийн газар элсүүлнэ

Гурав. Өргөдөл хүлээж авах
• Эхний шалгалтын болзол хангасан хүний өргөдлийг 7 дугаар сарын 1-нээс 7
дугаар сарын 3-ны хооронд хүлээж авна.
• Улаанбаатараас элсэхийг хүсэгчид өргөдлийг өөрийн биеэр хүргэж өгөх бөгөөд
өргөдөл хүлээн авах цагийн хуваарийг тухайн үед нь ЭМШУИС-ийн хичээлийн төв байрны
үүдэнд гаргана
• Орон нутгаас элсэхийг хүсэгчдийн хуваарь сонголтыг их, дээд сургуулиудын
элсэлтийн дундын комисс тухайн аймагт нь шийдвэрлэнэ
• Бүртгүүлэхдээ дараах материалыг бүрдүүлсэн байх шаардлагатай
• Өргөдөл
• Ерөнхий шалгалтын батламж
• Боловсролын үнэмлэх
• Иргэний үнэмлэх
• 2009 оны цээж зураг 3%
• Бүртгэлийн хураамж 5000 төгрөг

Дөрөв. Оюутан элсүүлэх шалгаруулалт
• ЭМШУИС-д Улаанбаатар хот болон орон нутгаас элсүүлэх оюутны тоог БСШУЯ тогтооно
• Шалгуулагчдыг Улаанбаатар хот болон аймаг тус бүрээр мэргэжлийн бүлэг болгон

ерөнхий шалгалтуудын нийлбэр оноогоор жагсааж онооны дарааллаар батлагдсан
хяналтын тоонд багтааж элсүүлнэ
• Шалгуулагчдын оноо тэнцсэн тохиолдолд ерөнхий шалгалтуудад авсан оноо,
боловсролын баримт бичигт тавигдсан үнэлэлтийн дундаж дүн зэргийг харьцуулж шийдвэрлэнэ.
• Тухайн аймгаас оюутан элсүүлэх хуваарь дээр зөвхөн уг аймагт оршин суугаа
иргэн өрсөлдөх эрхтэй
• Шалгаруулалтыг 7 дугаар сарын 8-ны дотор хийж тэнцсэн хүмүүсийг онооны
дарааллаар жагсааж хяналтын тоонд багтсан элсэгчидээр мэргэжил сонгуулж, суралцах
эрхийн бичиг олгоно
• Аймгуудад хувиарласан бүлэг бүрээр оюутан элсүүлэх хяналтын тоонд багтсан
хүмүүсийн мэргэжил сонгуулалтыг заасан хугацаанд бүртгэсний дараа хийнэ. Бүлэг дотрох
мэргэжлүүдийг онооны дарааллаар сонгуулна
• Элсэлттэй холбогдолтой материалыг хуурамчаар бүрдүүлсэнтэй холбогдон .гарах
хариуцлагыг шалгуулагч өөрөө хүлээнэ.

Тав. Элсэгчдийг бүртгэх
• Бүртгүүлэхдээ дараах материалыг бүрдүүлсэн байх шаардлагатай
• Бүрэн дунд боловсролын үнэмлэх болон түүнтэй адилтгах бичиг баримт
• ЕШ-ын батламж
• Хувийн хэрэг
• Иргэний үнэмлэх
• 2009 оны цээж зураг 5 хувь
• Сургалтын төлбөр төлсөн баримт
• Сургалтын төлбөрийг 2009 оны 8 дугаар сарын 17 -ны дотор Голомт банк дахь
ЭМШУИС-ийн 1102930382 тоот дансанд тушаана
• Суралцах эрхийн бичиг авсан хүмүүсийг 2009 оны 8 дугаар сарын 17-21-нд ЭМШУИС
дээр бүртгэж, 24-нд хичээл эхэлнэ.. Дурьдсан хугацаанд бүртгүүлээгүй хүнийг
сургууль орхисонд тооцож хасна.

Эрүүл Мэндийн Шинжлэх Ухааны Их Сургуулийн захиргаа